Dog food

今天看寵物雜誌,
完全呆了,
因為居然有狗仔專吃的破壁靈芝孢子,
我暈了。

Read Full Post »

疲倦極了

一個星期的書展終於完了,
晚晚都凌晨先番到屋企,
朝朝晨早就出門口,
成個人散晒。
可能日日都被人迫到傻下傻下,
好迷失。
好慶幸, 我把聲仲未爛。

Read Full Post »

亡命綠VAN

到昨天我才知原來灣仔有亡命綠van番屯門,
是49S, 只需$20, 經紅隊, 美孚, 荃灣千色, 屯門公路, 屯門
不用半小時就滾到番屯門…
幸好有這個, 如果唔係,
就要到銅鑼灣坐屯門元朗小巴,
一來貴, 二來是走青山公路,
真的十世都未滾到番屋企。

Read Full Post »

高清電視

買了機頂盒 Eight HD838
研究一大輪, 終於都接駁好,
幸好室內天線接收得到,
要不是, 我就要爬上天台弄魚骨天線,
皆因有次打風被吹得亂晒大龍。
可能我的室內天線太舊,
本身都壞壞地,
所以收高清台的時候, 有時會起格和跳格,
但標清的就好像一點事也沒有,
一共收了12個香港台, 1個大陸台,
還在, 努力測試中..
每一款機頂盒都有好有唔好,
最唔滿意都係字幕字體太醜,
和只有4:3 和16:9選揀。
最攪笑是看高清台時, 一去廣告,
由於廣告不是高清拍攝, 畫面又細番,
希望電視台快D改善一下。
但, 錄影方面也可以,
可以錄兩台, 睇第三台,
但必定要同一組別下, 只是設計古怪。
唯有平平地, 玩住先,
現在亞視有24小時新聞,
等細佬睇完英超, now tv合約又差唔多到期,
應該可以考慮取消佢。
下一步, 就是要看DVD HDD。
科技弄到我家越來越複雜。

Read Full Post »

東門

前天才在東莞回來,
誰不知昨天就上東門,
早知, 不回香港…
累得我…
第一次來到東門,
居然不用坐港鐵,
可以在上水坐巴士過關,
直到東門太陽廣場,
但係都要40分鐘才到。
東門的東東很貴,
食一個餐可以貴過香港一個早餐,
唯有找一些平東東才吃。
等了三個小時, 終於可以拿窗簾布。
事實上, 只是平香港少少,
但, 可以說比較多款式選揀,
不過, 累得我傻,
尤其是拖著車子走我家的爛路,
最後, 連車子也拖壞了,
幸好的是已回到家附近。

Read Full Post »

心臟專科

一直都是看政府專科,
這一次, 第一次走進心臟專科的私家醫生做檢查。
我到的時候,
一個人都沒有,
心想, 有誰會來看私家,
但, 我去了洗手間一轉回來後,
真的嚇親,
整個診所都企滿人, 所有位子都坐滿,
一共十幾人。
不過, 最嚇人的是收費,
一對公公和婆婆一起來看醫生,
他們走進去大概只有5-10分鐘就出來了,
然後我聽到姑娘說, 多謝$10600,
雖然他們兩人都有藥物, 但那銀碼真的嚇人。
若一個人一個月覆診一次, 何況是兩人一起覆診,
真的睇醫生都睇到窮。
幸好, 我這次來不用付什麼大費用,
我在那些儀器上照照照, 跑跑跳跳,
然後要跟心小怪量度高矮肥瘦,
這都看了15分鐘以上,
如果要以收費來計的話, 我應該要付很多錢,
真的千萬不要病。

Read Full Post »